Descripción
Colección de oficios: Lavandeiras
Esta colección de ilustracións nace do desexo de rescatar e reinterpretar escenas cotiás da Galiza tradicional, a partir de fotografías antigas que capturan momentos representativos da cultura popular galega. As imaxes orixinais, moitas delas en branco e negro, son auténticos documentos visuais cargados de memoria, emoción e beleza. Quixemos traducir esa esencia a unha linguaxe gráfica máis contemporánea, establecendo unha ponte entre o pasado e o presente.
Tradición e modernidade
Cada ilustración é unha reconstrucción sensible, onde o nostálxico e o moderno conviven en harmonía. A través da cor, a composición e un enfoque artístico actual, quixemos transformar recordos visuais en pezas que falan tanto de identidade como de renovación. A estética moderna non busca borrar a pegada do tempo, senón acompañala, resaltala e outorgarlle un novo significado. Así, o xesto dunha muller lavando no río, unha escena de romería ou un xogo infantil nunha aldea convértense en estampas atemporais que seguen dialogando cos que as observan hoxe.
A colección non só pretende evocar a Galiza de antes, senón tamén poñer en valor as raíces, a cotiandade compartida e as pequenas historias que conforman o tecido emocional dunha cultura. Hai nestas obras unha intención de mirar cara atrás sen perder o presente, de rendir homenaxe a quen viviu antes ca nós e de invitar a unha nova xeración a descubrir —e redescubrir— a riqueza da súa herdanza visual.
A través desta fusión de reminiscencia e estética contemporánea, propoñemos unha maneira de mirar o pasado con tenrura, respecto e creatividade.
Máis información sobre esta colección
A peza Redeiras pertence a unha colección que podedes ver “completa” no seguinte enlace! https://www.xiralua.com/categoria-producto/ilustracion/oficios/
Sobre as redeiras:
Máis información sobre este oficio aquí
E recorda!
Se queres facer un agasallo e buscas estas ilustracións enmarcadas, colaboramos co proxecto de Casal de Creación, onde realizan deseños especiais para cada peza todos en madeira de ayous crú. As pezas van flotadas e sempre en calidade Conservación, con vidro transparente de 2mm, traseira de MDF e colgador metálico de serrreta no reverso. O seu tamaño é de 29 x 29 cms. Consúltanos, sen compromiso, para máis información.
Reseñas
Aínda non hai valoracións.