Xiralúa é un estudio creativo que traballa nos eidos do deseño gráfico e a ilustración. A maior parte dos nosos proxectos están vencellados á creación de imaxe corporativa para empresas e maquetaxe de publicacións editoriais, tales como catálogos, revistas ou folletos publicitarios. Ademais, realizamos traballos de ilustración personalizada tanto para publicidade en redes, como para libros ou eventos.

Este proxecto nace no ano 2015 coa creación dunha liña de produtos artesanais, tanto no sector papeleiro como no sector téxtil, que mantemos até o día de hoxe. Todos estes produtos son deseñados pola nosa equipa e, ademais, manteñen unha arela común: a posta en valor da cultura e patrimonio galegos. 

Os nosos clientes proceden de moi diversas áreas como, por exemplo, axencias de comunicación e publicidade, empresas de arqueoloxía, institutos, gabinetes de psicoloxía, tendas de diversa índole, restaurantes e particulares. O noso obxectivo é sempre o mesmo: buscar a satisfacción do cliente co noso traballo.